全港下周五罷收廢紙

(蘋果日報) 2011年1月22日 星期六

全港下周五罷收廢紙

【本報訊】海事處今年中將關閉觀塘貨物裝卸區，區內 12個廢紙回收商慘成「無主孤魂」，當局建議於其他裝卸區增加泊位予業戶入標競投，但回收商未必可全數留低。代表全港廢紙回收商的環保廢料再造業總會，決 定下周五（ 28日）發動全港罷工表達不滿，預計每日最少有 5,000噸廢紙被白白丟棄堆填區，數以萬計靠廢紙拾荒者生計受影響。總會要求政府盡快妥善安置各回收商，否則會無限期罷工。

九成同業響應行動

總會昨日刊登啟事，指將於下周五發起全 港罷收廢紙行動，為此向受影響市民致歉。副會長劉耀成指出，政府表示回收商可遷往藍巴勒海峽裝卸區，但實際上未能照顧所有回收商，「嗰度 1,000米泊位只有四百米屬污染性泊位，原經營者唔係污染行業都可以優先獲分配，加上隔籬茶果嶺裝卸區一樣要關閉，咁多人爭我哋一定有人要離場」。他們 希望該污染性泊位只供污染性行業競逐，讓回收商能全數安置於區內。
除觀塘裝卸區，屯門、柴灣裝卸區及全港逾九成小型回收公司及工場亦會響應行動，劉耀成說，本月屬回收高峯期，料每日最少有 5,000噸廢紙無法回收，「下個月又係新年，我哋其實係靠月尾呢幾日儲糧捱過年，今次罷工係全體損失」。
海事處發言人回覆稱，公眾貨物裝卸區停泊位特許協議將於本年 7月 31日屆滿，政府將一如以往就泊位重新招標，處方將就招標安排諮詢營運商，強調機制公平公開並考慮營運商意願

罷收廢紙損環保公公婆婆斷米路

(太陽報) 2011年1月22日 星期六

唔講唔知，香港執紙皮大軍成五千人咁多，其中多數係長者，亦有唔少生活於貧窮線下嘅在職人士，對呢個 所謂國際大都會嚟講，簡直係一個極大嘅諷刺。唉，冇法子喇，香港地搵食愈嚟愈艱難，好多人生活捉襟見肘，搵朝唔得晚，惟有靠執紙皮幫補生計囉。不過咁，呢 班執紙皮大軍可能好快就要失業嘞。

香港環保廢料再造業總會宣布下周五起暫停回收廢紙，表面理由係遇上最嚴峻嘅經營困難，身心俱疲，而真正原因係不滿港府即將關閉觀塘公眾貨物裝卸區，但又冇對業界作出妥善安置，「迫使同業生計陷於瀕危」。

件事其實係咁嘅，當局近年聲稱要美化維港兩岸海濱，所以計劃將觀塘貨物裝卸區改建為海濱長廊，為市民提供一個休閒嘅地方。本來呢，美化維港冇人會反對，弊就弊喺關閉貨物裝卸區後，區內十二個廢紙回收商統統要搬走，咁就有排拗嘞。

當局建議增加藍巴勒海峽裝卸區嘅污染性泊位，但受影響業戶需與現有醉酒灣經營者及同受關閉影響嘅茶果嶺裝卸區業戶一起競逐，而業界就認為咁嘅安排未能解決佢哋面臨結業嘅問題。結果公說公有理，婆說婆有理，雞同鴨講，始終傾唔掂，回收商於是發起罷收廢紙行動，以示抗議。

回收商罷收廢紙，等於斷咗靠執紙皮維生嘅公公婆婆米路，都咪話唔慘。而更弊嘅係，受影響嘅絕對唔止公公婆婆，而係成個環保回收業，隨時塞爆堆填區都有之。有 人計過數，環保廢料再造業總會停止回收廢紙，每日會令堆填區增加三千到六千噸廢紙負荷量，真係唔講得笑。係人都知，本港各堆填區就快逼爆，依家再增加咁多 廢紙，堆填區豈不是更快玩完？到時咪講話將郊野公園攞嚟堆垃圾，就算將禮賓府闢為堆填區都唔掂喇！

其實，廢紙一啲都唔廢，可以循環再造，由廢變寶。據講一噸廢紙可以製造八百公斤再生紙，而製造一噸紙就要斬十七棵樹，你話喇，如果將本港每日產生嘅廢紙全部攞去循環再造，可以斬少幾多棵樹，可以為環保作出幾多貢獻呀！

所以話，回收商罷收廢紙，對環保影響實在好大o架，唔該港府拿拿臨諗辦法拆掂佢喇。其實，辦法唔係冇，問題係當局肯唔肯做啫，如果官老爺肯降低身段，同回收商加強溝通，又點會搵唔到一個合適嘅地方安置吖。

嗱，回收商已講到明，如果港府唔盡快作出妥善安排，佢哋可能會無限期罷收廢紙，到時咯喎，廢紙遍地，香港從此又多咗個新名堂：廢紙港。叮佢個鎯鎯！

現貨紙袋

現貨紙袋

新增多種現貨, 觀迎查詢 :

~ 連接現貨環保袋 ~

~ 連接現貨紙袋 ~

~ 連接現貨膠袋 ~










Tel : 2343 0030    Fax : 2763 0484
email : sales@polybag.com.hk

環保觸覺: 你會罷食嗎?

(明報)2011年1月8日 星期六 19:55

環保觸覺30名成員及市民，傍晚在旺角板前壽司店前示威，抗議公司連續4年競投瀕危藍鰭吞拿魚。

環保觸覺表示，近年社會各界的保育意識已日漸加強，在這次競投瀕危藍鰭吞拿魚之前，已有保育團體及市民以各渠道表示反對，但和之味集團置諸不理，以天價投得瀕危藍鰭吞拿魚。
環保觸覺主席譚凱邦表示，藍鰭吞拿魚是瀕危動物，希望集團不要再競投及用作食材，他期望市民支持，一起對付不考慮企業責任、唯利是圖的商人。

他們將繼續發起罷食行動，直至公司回應他們的訴求。

Tel : 2343 0030    Fax : 2763 0484
email : sales@polybag.com.hk
新增多種現貨, 觀迎查詢 :

~ 連接現貨環保袋 ~

~ 連接現貨紙袋 ~

~ 連接現貨膠袋 ~